يعني إيه الأهرام النهاردة بيقول نفس الكلام اللي اللواء سويلم استفز الجميع بيه امبارح في حلقة يسري
فودة؟http://www.youtube.com/watch?v=Szr_5clDHTA&feature=share
ويعني إيه المعتز بالله عبد الفتاح المستشار السياسي لعصام شرف يطلع يقول الاعتصامات بتؤلمنا جميعا وستقابل بالعنف
ويعني إيه مبارك بيتعالج بفلوسنا وجرحى المظاهرات زي د. مصعب ماحدش سأل فيهم؟
ويعني إيه ينتشر بين الناس ان اللي حينزلوا التحرير يوم الجمعة نازلين يكسروا المحلات و"يخربوا" مصر؟
ويعني إيه يكدبوا على الناس كذب صريح بفزاعة انهيار الاقتصاد والاقتصاد منهار اصلا بقاله 30 سنة؟ زي موضوع السولار مثلا وكأن مشكلة السولار مش موجودة بقالها سنين وكأن أصلا الاعتصامات بتؤثر مباشرة على الاقتصاد المصري اللي معتمد في الأساس على المعونة والصناعات كثيفة الطاقة؟
ويعني إيه لغاية النهاردة مفيش مخلوق اتحاسب على دم الشهداء؟
إحنا نازلين التحرير عشان احنا ما بنتاكلش على قفانا وما بيتضحكش علينا وفاهمين كويس قوي ان كل اللي المجلس العسكري بيعمله دلوقتي هو محاولات لاحتواء الثورة بدلا من تحقيق مطالبها!
ويعني إيه ينتشر بين الناس ان اللي حينزلوا التحرير يوم الجمعة نازلين يكسروا المحلات و"يخربوا" مصر؟
ويعني إيه يكدبوا على الناس كذب صريح بفزاعة انهيار الاقتصاد والاقتصاد منهار اصلا بقاله 30 سنة؟ زي موضوع السولار مثلا وكأن مشكلة السولار مش موجودة بقالها سنين وكأن أصلا الاعتصامات بتؤثر مباشرة على الاقتصاد المصري اللي معتمد في الأساس على المعونة والصناعات كثيفة الطاقة؟
ويعني إيه لغاية النهاردة مفيش مخلوق اتحاسب على دم الشهداء؟
إحنا نازلين التحرير عشان احنا ما بنتاكلش على قفانا وما بيتضحكش علينا وفاهمين كويس قوي ان كل اللي المجلس العسكري بيعمله دلوقتي هو محاولات لاحتواء الثورة بدلا من تحقيق مطالبها!
